Mei Liadabuach - deng nimma noch, es is ois guad

Das ist die Seite von Gustav Freudmann / Mei Liadabuach

Deng nimma noch, es is ois guad

(Don’t Think Twice, It’s All Right/Bob Dylan)

Heasd, es bringd nix, waunnsd dei Hian madtasd, Madl,
woa da jo scho bishea goa nix gloa.
Na, es bringd nix, waunnsd dei Hian madtasd, Madl.
Weu mid uns is nimma des, wos woa.
Waunn da Hau grahd zeidich in da Frua,
schausd auße bein Fensdta und fuadt is dei Bua.
Du bisd da Grund, doss i mi oseun dua.
Nua deng nimma noch, es is ois guad.

Es bringd nix, waunnsd es Liachd aufdrahsd, Madl
es Liachd, wos i gseng hob no nie.
Na, es bringd nix, waunnsd es Liachd aufdrahsd, Madl.
Weu es is voi finsdta wisawie.
I winschad drodsdem, du dasd no wos sogn oda duan,
doss i mas iwaleg und wieda aufaung vo vuan.
Nua, bein Redn woan mia zwa hoid imma scho valuan.
Drum deng nimma noch, es is ois guad.

Es bringd nix, waunsd mi ruafn duasd, Madl,
wiasdas niemois no hosd dau.
Na, es bringd nix, waunsd mi ruafn duasd, Madl.
Weu i di hean goa nimma kau.
I geh de Schdrossn owe und i deng hi und deng hea.
A Frau hob i gliabd, wos is a Kind no sea.
Mei Heads hob i ia gebn, nua mei Sö woidts vü mea.
Oba deng nimma noch, es is ois guad.

I winsch da wos, Madl, mei Schadsl.
I was ned, wos mi hiziagn duadt.
Bis boid, des wia_r_i nimma sogn.
Drum sog i da nua no, mochs guadt.
I wü jeds ned sogn, du woasd goaschdich zu mia.
Dossd liab bisd, des is hoid ned drin bei dia.
Mei Zeid hosd vablembpad und i daunk da dafia.
Eiso deng nimma noch, es ois is guad.